ЗӨВЛӨХ ҮЙЛЧИЛГЭЭНИЙ ТУХАЙ ЗАРЛАЛ

2021 оны 08 дугаар сарын 10 Улаанбаатар хот

1. Нийслэлийн Орон сууцны дэд бүтцийн газар, Нийслэлийн Засаг даргын тамгын газар нь Гэр хорооллын захын бүсэд хэрэгжүүлэх бие даасан инженерийн хангамжийн төслүүдийн техник, эдийн засгийн үндэслэл боловсруулах ажлыг хэрэгжүүлэх зорилгоор зөвлөх үйлчилгээний гэрээ байгуулах гэж байгаа тул зөвлөхийн үйлчилгээ үзүүлэх хүсэлтэй этгээдийг мэдүүлгээ ирүүлэхийг урьж байна.
2. Энэхүү зөвлөх үйлчилгээ нь зөвлөхийн урьдчилсан мэдүүлэг болно.
3. Мэдүүлгээ ирүүлж буй зөвлөх нь уг үйлчилгээг гүйцэтгэх чадвартайг нотлох дараах мэдээллийг ирүүлнэ:
   1. Улсын бүртгэлийн гэрчилгээ болон тусгай зөвшөөрлийн гэрчилгээний хуулбар ирүүлэх
   2. Сүүлийн 3 жил ( 2018, 2019, 2020 он)-ийн эцсийн баталгаажуулсан санхүүгийн тайлан, аудитын дүгнэлтийн хамт ирүүлнэ.

Сүүлийн 3 жил ( 2018, 2019, 2020 он)-ийн аль нэг жилийн борлуулалтын орлогын хэмжээ нь төсөвт өртгийн 30 хувиас багагүй байна.

1. 3. Сүүлийн 3 жил ( 2018, 2019, 2020 он)-д хийж гүйцэтгэсэн ажлын жагсаалтыг хүснэгтээр ирүүлэх бөгөөд төсөвт өртгийн 30 хувиас багагүй үнийн дүнтэй ижил төстэй ажлыг доод тал нь нэг удаа хийж гүйцэтгэсэн байна. Сүүлийн 3 жил (2018, 2019, 2020 он)-д гүйцэтгэсэн ажлын гэрээ захиалагчийн тодорхойлолтыг хавсаргана.
   4. Голлох болон инженер техникийн ажилтнуудын дэлгэрэнгүй мэдээллийг ирүүлнэ. (Мэргэшсэн архитектор 1, Барилгын инженер 1, Усны барилга байгууламжийн инженер 1, Дулааны инженер 1, Цахилгааны инженер 1, Холбоо дохиолол, мэдээллийн инженер 1, Төсөвчин 1. Тухайн ажил гүйцэтгэх инженерүүдийн 50% нь тухайн байгууллагын үндсэн ажилтан байна)
   5. Монгол Улсын хуулийн дагуу татвар, хураамж, төлбөрөө тухайн тендер нээсэн өдрийн байдлаар бүрэн төлсөн байна. Мөн дараах тодорхойлолтуудыг тендер зарлагдсан өдрөөс хойш авсан байх ба тендер нээсэн өдрийн байдлаар хүчин төгөлдөр байна. Үүнд:

3.5.1. Шүүхийн шийдвэр гүйцэтгэх ерөнхий газрын тодорхойлолт

3.5.2. Захиргааны хэргийн шүүхийн тодорхойлолт

3.5.3. Татварын цахим тодорхойлолт

3.5.4. Нийгмийн даатгалд өргүй тухай тодорхойлолт

3.5.5. Шүүхийн төрөлжсөн архивын лавлагаа (Материалд хавсаргаж ирүүлэх)

1. 6. Тусгай зөвшөөрөл шаардагдана. Үүнд:

Барилга, хот байгуулалтын яамнаас олгодог

• ЗТ-2.1 Архитектур, барилга бүтээц, барилгын зохион байгуулалтын зураг төсөл (БЗБТ, АГТ, ҮЗБТ)
• ЗТ-2.2 Усны барилга байгууламжийн зураг төсөл
• ЗТ-6.1 Барилга байгууламжийн дотор ус хангамж, ариутгах татуургын систем, гадна салбар шугам сүлжээ, түүнтэй холбогдох барилга байгууламжийн технологийн зураг төсөл
• ЗТ-6.2 Барилга байгууламжийн дотор халаалт, салхивчийн систем, гадна салбар шугам сүлжээ, түүнтэй холбогдох барилга байгууламжийн технологийн зураг төсөл
• ЗТ-6.3 Барилга байгууламжийн дотор гэрэлтүүлэг, цахилгаан хангамжийн систем, гадна салбар шугам сүлжээ, түүнтэй холбогдох барилга байгууламжийн технологийн зураг төсөл, Орон сууц, олон нийт, үйлдвэрийн барилгын болон тоног төхөөрөмжийн хянах, хэмжих хэрэгсэл (КИП), автоматикийн зураг төсөл
• ЗТ-6.4 Барилга байгууламжийн дотор радио холбоо, галын болон бусад дохиоллын систем, мэдээллийн байгууламжийн зураг төсөл, хамгаалалтын систем, түүнтэй холбогдох барилга байгууламжийн технологи, компьютер дотоод сүлжээ, гадна салбар шугам сүлжээний зураг төсөл
• ЗТ-11.1 Техник эдийн засгийн үндэслэл, төсөв
• ЗТ-11.2 Барилга байгууламжийн ажлын төсөв

4. Ажлыг богино хугацаанд чанартай гүйцэтгэх зорилгоор зөвлөхүүд түншлэлийн хэлбэрээр оролцох боломжтой эсэх: Зөвшөөрнө
5. Сонирхсон этгээд нэмэлт мэдээллийг 2021 оны 08 дугаар сарын 16-ний өдрийн 15 цаг хүртэл авч болох бөгөөд мэдүүлгээ Төрийн худалдан авах ажиллагааны цахим систем

(www.tender.gov.mn) хаягаар 2021 оны 08 дугаар сарын 17-ний 10 цагийн дотор ирүүлнэ үү.

6. Төрийн худалдан авах ажиллагааны цахим систем хаягаар өөрийн аж ахуйн нэгжийн тоон гарын үсгийг ашиглан нэвтэрч цахим хэлбэр (pdf)-ээр илгээнэ.

Улаанбаатар хот, Сүхбаатар дүүрэг, 8 дугаар хороо, Г.Амарын гудамж, Соёлын төв өргөө, нийслэлийн өмчийн 1 дүгээр байр “Г” корпус, 11 дүгээр давхар

Нийслэлийн Орон сууцны дэд бүтцийн газар,

Утас: 70110733

ХОЛБООС